Kembang Mawar ing Plaratan

Janji kowe isih kelingan

yen aku yau nandur

Kembang mawar werna abang

Mbranang, ing plataran

tegese aku isih kokanggep ana

Dhuh mitra...

Kembang mawar ing plataran

sing saben esuk mekar

lan andum ganda arum

sajake wis ora kokpaelu

Alum, kurangan banyu

Werna abang salin rupa

garing nglinthing

ing sasuwene ketiga dawa

rontog gogrog katerak angin

banjur daklelesi, dakkukup,

dakronce dadi crita!

Menawa mbesuk kena kanggo tandha

yen aku wis tau ana

Surabaya, September 2022

(Panjebar Semangat edhisi 41, 8 Oktober 2022)

Guritan diripta dening Sheril Galih Servianto