*Dok...dok..dok*, Lawange Yu Mis didobrak plecit. Dheweke ora metu mbuh nang
ndi parane. Misnati, sing biasa diceluk yu Mis kuwi bakul iwak ing pasar Randusari. Misnati
kae utange ana ing ngendi-ngendi. Dhuwit utangane mung digawe gaya. Umahe ya oleh
bantuan saka pemerintah. Keluargane oleh bantuan PKH. Emas ya dheweke ora nduwe.
Nanging ya gayae ora padha karo kondisine saiki. Anak-anake ditukokne peda matic, HP ne padha anyar kabeh. Wis ngalah-ngalahi anake wong sugih. Ora peduli, dheweke digodaki plecit rana-rene. Plecite ra mung siji loro, Saben dina ana wong marani nang umahe. Nyahpo nek ra nagih utang.
“ Ra enek a mas wonge?”, Kaemi, Tangga ngarep umahe yu Mis nakoki plecit mau.
“ Boten ketingal hlo buk. Sampun kula timbali bola bali nganthi kesel.”
“ Ngene wae mas, sampeyan saben bedug nyango rene. Wes tak jamin bakalan langsung ketemu.”
“ Ealah ngoten a buk. Nggih pun kula tak muter rumiyin.”
“ Mangga..mangga mas.”
Ora let suwi, Misnati mlaku tekan kulon. Kabeh wong sing ana pinggir dalan padha
diceluki. “Yuuu iki hloo aku tekan pasar....”, byuh suarane kaya gembreng rusak.
Krincingg..krincing suarane gelange. Ealah tibane tekan pasar tuku gelang anyar.
“ yu Mis.. eh sampeyan ki mau digoleki wong. Nek ora salah jenenge Suparno.”
“ Hooo Pak Parno, yaa aku nduwe utang dheweke. Mene tak saur kok mumpung dhuwetku turah-turah”
“Akeh dhuwite duh tanggaku iki.”
“Hloo ya kudu ta. Bojoku ki mari bayaran. Mangkane tuku gelang iki. Anakku ya padha
pengen jajane supermarket. Wis bosen jajan toko kaya ngene iki.”
Byuh byuh, jiktas nyekel dhuwit semunu ae kok ya sombonge ra karuan, batine tanggane.
Mene isuke, akeh wong nganggo jaket ireng ing ngarep umahe Misnati. Kirane ana
wong 10 mubengi umahe yu Mis. *Dok...dok..dok..* lawange didokdok nanging wonge ora
metu-metu. Kaemi banjur metu tekan umahe amarga ana suarane wong akeh. Wong- wong ki mau banjur nakoni Kaemi.
“Ibuk tau di mana pemilik rumah ini berada?”
“ Walah ndak tau pak, ki mau aku ana mburi umah tok dadine ra weruh apa-apa.”
Akhire wong-wong kuwi ngenteni yu Mis ana ngarep umahe. Suwi ora krungu
swarane wong, yu Mis mbuka jendela. Karo clingak-clinguk kaya maling keweden.
“Ibu, silakan keluar segera.”, swarane wong jaket ireng saka pinggir umahe yu Mis. Tibane wong-wong kuwi ndelik ana pinggir umahe supaya ora ketaran. Yu Mis mbuka lawange karo pasrah. Sebenere ana kahanan apa?
“Saya mendapat laporan bahwa anda bernama Ibu Misnati bersama dengan Bapak Bagus telah melakukan penjualan barang terlarang. Mari ikut saya ke kantor polisi segera.”
“ Pakk oraa pakk, aku ra dodol-dodol kuwi, aku mung bakul iwak paakkk...”
Misnati diseret lan digowo menyang kantor polisi. Tangga-tanggane padha ndeleng kahanan iki mau.
“Ealah tibane gelange wingi kuwi saka dhuwit haram.”
“amit-amit”, Tanggane padha ngrasani dheweke. Anak-anake sing isih cilik-cilik padha
pating jlerit amarga weruh makne digowo polisi.
Ora let suwi, Suparno ya plecit sing kate nagih utang nyang Misnati teka. Dheweke bingung kena apa kampung iki kok rame. Biyasane jam-jam semene iki sepi. Opomaneh umahe Misnati iki. Dungaren tenan.
“Pak..pak..reneya pak tak kandani.”, Kaemi nyeluk Pak Suparno.
“Ana apa toh buk?”
“Misnati dicekel polisi pak. Tibane dheweke saiki bakul narkoba pak.”
“Hlo terus piyee buk...”
“Yaa digawa polisi tah pak”
“Utange piyee...duh tepak apesku rekkk..”
Plecit siji iki tepak apes e. Wong sing nduwe utang malah ngilang. Tibane dheweke kudu ngganteni dhuwit sing diselang Misnati kuwi.
“ Aku tak leren wae dadi plecit, Rugiii...”
*Crita diripta dening Nabilatul Rohmah*
Comments